مقالات مشابهة

“شموخ نوف”

‏4 أيام مضت

سراب الوصل في هوى !!

‏أسبوع واحد مضت

طاري نوف !!

‏4 أسابيع مضت

حرّة الشوق

إلى شيخة الزين وروح روحي.. هذي الأبيات ولدت من حرّة الشوق لك ومن كتمان ضيقتي في غيابك. أوقات يذبحني العتب، وأوقات يغلبني الحنين، لكن الأكيد إن مالي عنّك مفر، وضحكتك هي كل رضاي.. أتمنى تقرأين قلبي بين هالسطور..

يا ملاكٍ غدا بالعشق روحي
سبحان ربي أبدع بـ صورتك.

يا هوى النفس يا بلسم جروحي
مالك شبيهٍ يشبه خلقتك

“نوف” يا ضي عمري ويا طموحي
شيخة الزين وروحي فدوتك

أشهد إنك غلاي وكل بوحي
وقلبي تمنى يعيش بـ دنيتك

حبي أصيلٍ صادقٍ في شروحي
صاين عهودك وعاشق سيرتك

ما هو تسلي أو لَعْب بـه مْزوحي
صافي بـ ودّه وناطر شوفتك

كل عتابي من حرّة شوق جموحي
يومك تغلّى وتذبح مهجتك

تترك حبيبك على جمرك يلوحي
وتطيل صدّك وتَقْطع رَغبتك

أتمنى أضمك واشم عطرٍ يفوحي
من صدرٍ وسيع تنبع منه رحمتك

أبكي من الشوق ودموعي سفوحي
واتعبني حيل بعدك وقسوتك

أوّن وأندب حظي كني وِرقْ ينوحي
أسهر الليل أنطر مِته رجعتك

كني غريبٍ بـ ديرة حزن نوحي
عايش غريبٍ يعاني غربتك

تذبحني الحيرة ويبين شحوحي
مدري تبيني وضاعت حيرتك

إحساسي يقول لـ وصالي سموحي
ونادم على يومٍ فيه تركتك

أغلّيك وأعزّك بجدّي ومزوحي
ورافعٍ قدرك وعالي هيبتك

أصبر على الضيقات وأخفي جروحي
وأسبّ يومٍ قادني لـ مَحبتك

وإليا فقت ندمت وبان وضوحي
والمعذرة يا غلا من صدمتك

هدّني الحب وشلّ الـ فِكرِ يوحي
ضاع الدليل والسبب غيبتك

والمعذرة كان خطيت بـ لفوحي
سامح حبيبٍ تمنى ضحكتك