الشاعر سلمان بن خليفه السعيّد ابو ثامر
مقالات مشابهة
بلوى العشق
عـــزّاه يــا قــلبٍ غــدا الــيوم مــنضر
في حب “نوف” اللي وقع فاسه بالراس
رمــشه ســهم، وطــعونه تــلوق وأكثر
والــمشكله مــالي عــن الــحب جلاس
ابــتــلينا بــلوى مــا جــت ولا تــخطر
ولا فــي يــديني حــيلةٍ تــطرد الــياس
بــلوى الــعشق صــعبٍ دواهــا و أمر
تــسرق مــن الــعين الــمنام والــنعاس
بــين الــحنين وحــيرة الــوقت تــسمر
وتــموت تــشتكي مــن دلالٍ وعــماس
امــتــحن قــلــبٍ فـــي هــواهــا تــعثّر
صــار الــسهر فــي واقــعه كــنّه لباس
تــجمع وصــوف الزين في وجهٍ أسفر
بـــدرٍ تــكــمّل نــوره بــليلٍ الأغــلاس
تــســل فــي نــظراتها ســيفٍ وخــنجر
عــيونٍ وســيعة والــرمش لــها حراس
نــجلٍ تــصيب الــقلب مــن غير منظر
تــقضي على المشتاق في لمح الإنفاس
خــطــواتها ثــقــلٍ وبــبــالزين تــبــهر
تــمــشي هــوينا كــنّها غــصن مــياس
تــقــفي وتــقــبل، والــحلا فــيها يــكبر
عــزّ الــنفوس الــلي بها الثقل امراس
أشــكي وتــالي الــشكوى دمــوعٍ تحدّر
عــلى حــبيبٍ قــد قــسى ما به إحساس
أعــتب عــليها، وعــتب مــثلي يــكدّر
قــلبٍ ســليٍّ مــا شــكى لوعة المحتاس
يــا نــوف لــيه الــصدّ؟ والــقلب يجبر
حــبٍّ تــمكّن فــي الــشرايين والــساس
جــازيــتي الــمــشتاق بــالــبعد وأكــبر
وإلا الــوفا عــندك غــدا ضــرب بـالأخـماس؟
لــلــه ولـــي الــعرش شــكواي تــظهر
يــبري جــروحٍ بــالخفى مــالها قــياس
يـــارب تــرحــم حـــال عــبدٍ تــصبّر
ماله سواك إن ضاق بالصبر الإحساس
أنــت الــوحيد الــلي بك الضيق يصغر
يــا فــارج الــكربات يــا مذهب الباس
أســتــغفرك يـــارب مــن ذنــبٍ أكــبر
مــن قــلّ صبري، والر جا فيك نبراس
والــــيــوم أبــقــفل قــصــتي وأتــدبّــر
مــادام حــبي لنوف انهان وانداس
