الشاعر سلمان بن خليفه السعيّد ابو ثامر
مقالات مشابهة
يانوف !!
عــزّتــي لــقــلبٍ تــعنّى فــي حــماك
لا غــدى مــالي عــن الــلوعة حِساب
يـــا غــيــابي كــل مــا طــوّل جــفاك
تــنــطفي شــمــعة مــســافات الــعتاب
يــا نــوف حــبٍ شــفته بــسبّة غــلاك
فــيــه الــغــلا حـــس بــين الأحــباب
أشــتاق لــلسوالف وأدور فــي ذكراك
صــدى صوتٍ يرجع معه كل العذاب
تِــهل دمــعتي كــل مــا فكّرت بْدنياك
يــا نوف جمر الحزن في مهجتي ذاب
صــاحبك واقــف يــنادي فــي حــراك
مــا اســتمع مــنك ســؤال ولا جــواب
يــا غــيابي كــم شــقيت أنــا برضاك
والــمشكلة الــشوق عقبك ما استجاب
مــثل مــا زانــت كــحولٍ فــي هــداك
زيّــن الــمجروح فــي حــبك صــواب
إن تــبــسّم صــبــح طــفلٍ قــد نــماك
وإلّا تــجهّم كــنّه لــيلٍ كــساه الضباب
تــجري بــدمّي والــغلا يــطرد وراك
قــال: هــذا الــموت فــي حبّه قد شاب
مـــا تــصدّق لــو أقــول إنــي فِــداك
كـــل حــزة فــي وجــودي والــغياب
تــشتعل فــي داخــلي نــيران اجــفاك
والــقلب مــن هــول الفسخ في التِهاب
انــكسر غــصن الأمل في يوم فرقاك
وأقــفت ركــاب الود وأعلنّا الاغْتراب
يــا ســرابي ضــعت في سكة مسراك
أطـــرد وراك الــحلم وأثــره ســحاب
لــيــه تــجرح قــلبٍ اخــتارك وبــغاك
وتــبيع أيــامي مــعاك برخص التراب
كــيف طــاوعك قــلبك تــهجر هــواك
وتــدعي بــفرقاه بــعذر مــاله أســباب
كــنت أحــسب إنــي وسط قلبك دفاك
وأثــرك تــبيع الود في سوق الأغراب
لا تــخــلّي الــمــشتقي يــرجي نــداك
والــعمر مــثل الــمدى طــرد السراب
صــعبه أعــيش العمر وأنا في رجاك
وأمــوت بــأحزاني ولا ألــقى جــواب
جــيــت لـــك بــإحساس كــلّه يــنخاك
تــنهي الــحسرة ويــبدأ مــا اســتطاب
جــيــتك وأقـــول الــعمر كــلّه فــداك
إمــا وصــل يــروي.. وإلّا نقفّل الباب
أطــلب وداعــك دام الــزمن عــصاك
والا ارتجي مدة يمينك ونبقى اصحاب
تحياتي ……………..
(الشاعر سلمان السمعيّد – أبو ثامر)
