الشاعر سلمان بن خليفه السعيّد ابو ثامر
مقالات مشابهة
ذكرى نوف
نِــشدتُ الــليل عــن خــلٍّ هَــوَيْتَه
وقــلبي مــن لــظى شــوقه يعاني
بــنــيت مـــن الــغلا بــيتٍ بــنيتَه
وســـط قــلــبي وخــلّيتك مــكاني
ذكــرت أيــام “نوف” اللي مضيته
غلا “نوف” بوسط قلبي .. حواني
زمــانٍ كــان فــيه الــوصل جيته
نــعيش الحب .. ما نخشى الزمانِ
ربــيــع الــعــمر بــعيونك فــديتَه
سعادة عمر .. في شوف الغواني
حــسافة طــيفك الــلي قــد طريتَه
يــمرّ بــمرّ دمــعي .. فــي كياني
أعِـــد نــجــوم لــيــلي لا ســريتَه
وأناجي طيفك الخافي .. بأحزاني
عــيــونٍ تــذرف الــدمع .. بــكيته
عــلى فــرقى الحبيب اللي دعاني
ســهرت وغــاب جــفني لا غفيته
أخــاف الطيف يرحل .. وأعياني
حــنيني فــي ضــلوعي قــد جنيته
ثــمار الــهم .. فــي قاسي مكاني
أنــاشد خــاطرك .. والــودّ جــيته
تــردّ الــروح .. لِــدربٍ ما نساني
رجــوعك يــطفي الــنيران لــقيته
يــجدّد فــرحتي .. ويــحيي كياني
ألا يـــا لــيت لقياك لــو لــقيتَه
تــداوي جــرح فيني .. ما حداني
