الشاعر سلمان بن خليفه السعيّد ابو ثامر
مقالات مشابهة
ياوجودي ……!
يا وجودي وجـد مـن فـارق ضنـاه
واكتـوى مـن لاهـب الشـوق المحـانـي
كـل مـا هـب النسـيـم وونّ آه
زاد فـي قلبـي مـن العبـرة معانـي
آه مـن حـزنٍ بـصدري مـا قـواه
الـجـبـال الـصـمّ مـن هـول الـطـعـانـي
هـلّ دمـع الـعـيـن مـمن شـدة غـلاه
وشـوقـي لـشـوفـه يـهـزّ الـكـيـانـي
لـيـتـنـي ألـمـح مـلامـح مـن مبداه
لـو خزة تـلـتـقـي بـالـعـيـن ثـانـي
سِـقـمٍ تـمـكّـن مـا نـفـع فـيـه دواه
وعـشـنـا مـعـه بـيـن الـرجـا والأمـانـي
شـفـتـه يـسـاق لـمـوتـه ويـجـذبه جـاه
ويـوم حـشـرج بـالـنـفـس هـدّ كـيـانـي
أبوي اللـي الموت عـن الدنيـا خذاه …
واهتنـى فـي نـور عـفـو الـرب هـانـي
هو كـان لـي فـي دنيتـي عـز و جـاه
يا حيف عيشتي اليـوم بـعـد الـمـودّانـي
فـي غيابـه كـل شـيٍ مضى فـي رجـاه
والمكـان اللـي جمعنـا صـار عـانـي
وعـن لهيـب النـار عساه يتعداه
واجعـل الفـردوس لـه دار ومبـانـي
جعلـه فـي جنـة نعيمهـا فـي ذراه
فـي دار خـلـدٍ مـا لـهـا مـن ثـانِ
