الشاعر سلمان بن خليفه السعيّد ابو ثامر
مقالات مشابهة
سر الهوى وأول أحلام العمر
” يا أول أحلام العمر وأخره، يا هوى قلبي ونور عيني اللي ما تغيب. أنا ما نسيت ولا لحظة جمعتنا، والشوق في داخلي يربك كل تفاصيلي. أتوسل لقلبك الطيب والطاهر إنه يسامح ويمحي كل ما فات، ونطوي صفحة الماضي ورا ظهرنا. تعالي نرجع نكتب قصتنا من جديد، ونعطر أيامنا وليالينا بحنين الشوق ولذة الغرام اللي ما يموت.. أنا بانتظار عودتك يا كل دنيتي.”
يا نوف يا سر الهوى في حناياي
يا أول أحلام العمر يا أخيــــــــره
أنتِي نظر عيني وبسمـة شفاياي
وأنتِي غرام لي امقدر مصـــيره
منك ابتديت الدرب وفيك رجواي
يا نور عيني في الليال الضريره
غلاك يروي في حنانك ظم÷اياي
وصحاري العمر خضرا نضــيره
عيونك السودا تشتـــــــت بقاياي
تسحر خفوقي في وصوفٍ مثيره
مشيك كما ريمٍ لفا بين رعايـــاي
تختال بالخطوة وعنقــــــك يديره
وعطــرك يداوي بالليالي شقاياي
كأنفاس روضٍ عقب وبْل المطيره
يا نوف لو تطلبي عيوني ومناياي
أقول خذي العمــر لك يا مستثيره
يا نوف انس مامضا قربي لدنياي
ونْجدد ايامنا بْفرحة عمــر كبـيره
نعطر ليل الشوق في عذب نجواي
ونْذوق لّذة حـب نـــــور وانـويره
سبحان من كمل وصــوفك بدنياي
يا زين نـــوف ويا غلاها وعبيره
حبك ملك قلـــبي وعقلــي ومعناي
والله يديم عيــــوني عليك سهيره
آسف على ما جـاك يا نـور دنياي
وعـذر الـوفا من قـلب هـام بْأثيره
لو كان خطـأي مْـكـدّرٍ صـفو هـوّاي
عـفـوك كبـير ويـغسل الـذنب خـيره
