تناهيد الذكرى
salmansks
2026-09-19
ديوان جرح السنين
34 زيارة
تناهيد الذكرى
يــا غــايبٍ قــفّت بــه دروب الأيــام
خــلاّ دمــوع الــعين تــنزف غزيرة
مــرّت لــيالي الــبعد كــأنها مية عام
والــروح مــن عقبك غدت مستجيرة
راحــت ركايبهم وصوت الحزن قام
يــجتاح صــدري في سكون العشيرة
أمــسح طــيوفك في متاهات الأوهام
وأقــول يــا كــبر الــفجيعة عــسيرة
ســافر وخــلّاني مــع ســود الأيــام
أقــتر مــن دمــوع الــعيون السهيرة
لــو الــوجع يــبرى بــتسطير الأقلام
لأكــتب رحــيلك لين تبكي الجزيرة
لــو تنفدى الساعات لادفع لك أعوام
فــي وادعــك والــدمع يسبق مسيرة
يــوم الــتفتّ ولــوّحت كفك بِ سلام
أقــفى الــنظَر والموت حانت بشيرة
ليت القبر يوم احتضن خطوتك ضام
جــسمي مــع جسمك بأرضٍ وجيرة
مــاتت بــعد عينك طموحات وأحلام
والــكون ضاق وعين خلك ضريرة
أجــر صــوتي في دجى الليل منظام
مــثل الــخلوج الــلي ولــدها خسيرة
يــبكيك قــلبي قــبل تــبكيك الأكــمام
يــا جــرحي الــلي ما لِ برْيِهِ تديرة
تــمرّني الــذكرى وتــشعل بِ الأيام
فــي وسط صدري من لظاها سعيرة
أتــنــفس غــيــابك حــرايــق وتــأثام
وتــشب فــي جــوف الــحنايا جفيرة
أعــتب عــلى وقتٍ غدر فينا ثم شام
شــحّ بِ وصالك والظروف الحقيرة
الْوقت قاسي والظروف أصبحت لَام
حــادت بــنا عــن درب كــنا نسيره
لــيتك تعود وترجع لْ جوف الأكمام
مــير الــبلا هــيهات يــرجع بصيره
راحت طيور العش وأقفت بِ لولام
والــعود يــابس والــخطاوي كسيرة
مــير الــبلا حــكم الــمقادير قد حام
والــعبد يــرضى بالظروف العسيرة
أســتغفر الله عــدّ مــا رفّــت أعــلام
وإلــيــه مــرجعنا بــحسن الــبصيرة
الشاعر / سلمان السعيّد
الشاعر سلمان بن خليفه السعيّد ابو ثامر
