هاجس الذكرى
salmansks
2026-06-13
ديوان جرح السنين
255 زيارة
هاجس الذكرى
يــا مــن تركني في عذابه دايم الدوم …
زاد اشــتــياقي ودمـــع الــعــين ســـاري
قــلبي مــن الــهجران يــا صاح مكلوم …
والــلــيل يــنــهش فــي حــشايه ســماري
كــم لــي وأنــا مــن لــذة النوم محروم …
طــيــفك يــمــرّ ويــكــسر إعــصار داري
جــرح المودّة في حشا الروح موسوم …
والــشوق يــقدح فــي خــفوقي بالشراري
يــا غــايبٍ طال المدى وبارت العزوم …
شــباب خــويّك راح ولا إنــت عنه داري
بـــس الــتفت وأقــول دايــم مــضيوم …
يــا لــيتني مــا كــنت لــلحب طامع شاري
هــاجس الــذكرى امــره مــعي محتوم …
مــا غــير أحسّب غيابك بالدقايق وأداري
يــومٍ أقــول إن الــخطا مــنك مــرسوم …
ويــومٍ أقــول إن السبب من غيبه وهذاري
فــي غــيبتك كــني مــن الــعقل ملجوم …
حــاير غــريبٍ فــي وســط بيتي ودياري
أمــشي وأهــيم ولا هــنا خــاطري يوم …
صــابر وأنــا لــو بــان صــبري أمــاري
بــأسأل تــالي الــليل يمكن تجي احلوم …
اغــفي بــك ســاعة واهيم في لهيب ناري
الــحب يــوجع والــهجر يــذبح الــقوم …
وأنا ف غيابك صرت ساير بالهم واجاري
لــيتك ركــبت الــموج في بحر مظلوم …
وتــشوف كــيف الــموج بــالحب جــاري
ارحــم خــفوقٍ فــي بــحر حــبك يعوم …
اتــعــبه مـــوج الــشوق والــدمع جــاري
إمـــا تْــعــود وتْــبَــدّد ظــلمة الــغيوم …
وإلا الــوداع يــنهي صــبري وانــتظاري
أطــردْ ســرابٍ بــالخلا مــالَهْ رْســوم …
كــني رحــال تــاه مــن طــول الاســفاري
الشاعر سلمان بن خليفه السعيّد ابو ثامر
