ريحة عطرك
salmansks
2016-01-13
ديوان اهات واشواق, قصائد مختاره
1,258 زيارة
ريحة عطرك
بعدك لزمت الصمـت وآثـرت السكـوت
خسـارتـي بـعـدك خـسـاره فـادحـه
والله ما نسـى ليـن عـودك ليـن أمـوت
صورتـك تبقـى فـي خيالـي واضـحـه
انتـي على قول المثل بنـــت البنـوت
وانـا علـى مـا قيـل كـبـدي ناجـحـه
لـو تضحـك عيـون المنافـق والشمـوت
نفسـي مـن الترفـات بعـدك سامـحـه
تجذبنـي لوصلـك خـيـوط العنكـبـوت
وأقـرا علـى روح الـفـراق الفاتـحـه
عنـدي لقـاك ولا كنـوز البنـك نــوت
ضحيـت لجـلـك بالعـيـون الذابـحـه
وآمـال عمـري تحـت رجلينـك تمـوت
وريحـة عطـرك فـي ثيابــي فايـحـه
تجـيـن تلبـسـك المهـابـه والبـشـوت
وتقفـيـن وقـيـود الميـانـه طـايـحـه
أشيـاء خياليـه عـلـى بـالـي تـفـوت
أذكـر ومعـك أنسـى عشـاى البـارحـه
وجدي علـى لقيـاك يالتـرف الصمـوت
صدك مني طول ونـار شـوقـي قـادحـه
مـا تقنـع العاشـق موازيـن البـخـوت
واثـق واعـرف الضاويـه والسـارحـه
صبرت صبر عقـاب بعـد غيـاب نـوت
وناحـت معـي ورقـا الحمـام النايـحـه
يصبـر علـى الـزلات حمـال التخـوت
مـا ينتهـز كـل الـظـروف السانـحـه
الـحـب يجمعـنـا وتفرقـنـا الـوقـوت
مـا شفـت لوجـيـه الجفـيـا لايـحـه
غيبي ولا ارضى عن حضورك بألف صوت
وعـودي ونفسـي فـي غرامـك سابحـه
الشاعر سلمان السعيّد
