أغليك يالغلى

مقالات مشابهة

ليه دمعتي

2022-01-12

لعنبو من لايشوش !

2020-06-24

نار الوجد

2020-05-03

قلبي حس وبارق العين خطف نظره

من صاحبن ما يبي اعيوني  تشوفـه

شفته أمشط القذله اوواقف على غره

شفته يماري وانا نفسي عليه ملهوفه

أبو عيون وسط نونها برق و جمره

كل ماخز فيني شاط قلبي من خوفه

له ضحكة بها لحون وصداها اذكره

وبه رموش لاسلهم لي غرز أسيوفه

حلو وحلاته بقوام مسيده على غيره

حسين الدل باهي في جماله وطيوفه

ومن تباهيه النرجس ورده وعطره

والشمس من حلاه كل يوم مكسوفه

بقربه أحيا ومن دونه روحي خطره

ياعزي لقلب تعلق في حلاة وصوفه

أغليك يالغلى وقلبي تفننت في هجره

كيف السواة مع قلب تعرف أظروفه

ياغزل وينك بوصف لك فيه شهره

بزينن يوزن قوافي هرجه بحروفــه

بزينن من ناظري طـاح سوق غيره

واصبحن روحي على روحه مالوفه

سلمان السعيد

الثلاثاء 30/10/2007م