الشاعر سلمان السعيّد
مقالات مشابهة
ياريم !!
أسهــر وعيني صبت الدمع ياريـم
مدري بلاها قربـك والا الظليمـــــه
ياريم حرقة اقليـبي هي على الريـم
والا على هاجســن تواكـل صميمـه
ياريم اصدح بلحوني من امرعظيم
ياريم كفا ذبحتيني من سهوم سميمه
كن لاطمني على قربك قل الحريـم
والا مخيرن اما العذاب او الحريمه
ياريـم دمعة العين هي على الريــم
والا على شبه رجال ماعندها شيمه
اون من غدر الزمن وقل المفاهيــم
وأبكي وعندي لمزون الدمع قيمـــه
دام البكا ياريم مافيـه عذلن وتحريم
ياعنك والله لأسوق الدمـع وجحـيمه
ابكي على حالي من المظنه وآهيم
ابكي قهروغبنن من اطعونن عديمه
والله لولا دمعتن كنها اسفوح الديم
راحت ضلوعي من اهاتي حطيمه
حسبتها شروة تطول ابها المغانيـم
واثاري حدها حوته اعقولن سقيمـه
عرف العرب اسنـوده سلمن وتسليم
وقدرن يلزم اوجيه ارجالن حشيمه
رجال رفعتها حطيت لها قدروتقييم
ياحيفي على رجال الفطنة والفهيمه
صدقت علومن ماعليها رسم وتختيم
من جاهلن وجهه ملطومن بالحريمه
هرجن هرج به واشعل نار الجحيم
خالي من الدين والعرف نفسه عقيمه
بعض العذاريب شرها ياكـل الهيـــم
وشلون لجا بكبود ال سعيّد الكريمـه
ياناشد عني توكد مني وخلك فهيــم
اركوني نقا ومراسيم وجهي سليمه
انا ولد قرمن عزته وهامته تمــــيم
انا ولد وهيب وكلي نخوة وعزيمه
