الشاعر سلمان السعيّد
مقالات مشابهة
مديت احبال الوصل متوسم به ولهـان
ينوف بعلمن يزيح الكدر من مقاصيه
****
هايمن فيه وعلى قربه شافق عطشان
امرادن تفصل لي على طيبه ومثانيه
****
ياحظ من هو لقى رويحه مع الشقران
يغنم بها لوعجت به لواهيب وخسران
****
كمله ربي ابخلقن وحسنن مابه نقصان
اجزل له كل الجزا يعلم الله بكل خوافيه
****
يابختي قم لي مرةٍ خل الفكــر طربان
مع صاحبٍ شاقت عليه كل المشاريه
****
يوم نصحته ابدى لي تحاسيف وندمان
يشره على نفسه واحتاست كل معانيه
****
الله يعوضنا من خاطرٍ نادمن ورغبان
قالها ابنزعة وده يصوف فيها شقاويه
****
يانديمي ضاعت معه مغانيم العشران
في شروته رقيت العليا وشفت مباهيه
****
جيته بالسنع وعلوم فيها الهنا ضمران
شايلن قليبي يمه على اكفوف مساعيه
****
اه واه عليه واه واه من لواعيج الزمـان
دام الطيًب حظه ردي على كل مباديه
****
وين العوض عقب عزيزعليك ياسلمان
كل البنات ماتسوى لو مشن في حذاويه
